ДЗС ќе спроведе пробен попис на земјоделството од утре до 30 јуни

Државниот завод за статистика од утре до 30 јуни годинава, ќе го спроведе пробниот попис на земјоделството.

Ќе бидат опфатени одреден број семејни земјоделски стопанства и деловни субјекти во неколку општини што се регистрирани и се занимаваат со активности поврзани со земјоделството.

Целта е да се тестираат методологијата и прашалниците за спроведување на пописот, како и организациските и стручните аспекти на оваа активност.

Методолошките и организациските аспекти се целосно усогласени со европските регулативи. Соработката и учеството на домаќинствата и деловните субјекти во оваа статистичка акција ќе помогнат да се обезбеди успешно спроведување на главниот попис на земјоделството следната година, соопштуваат од Државниот завод за статистика.