Кризата ги зголеми проблемите во градежништвото

Економската криза ги мултиплицираше проблемите во градежништвото, велат градежниците и сметаат дека се во ситуација на преживување. Зголемените цени на репроматеријалите, на енергенсите, се напластија на старите проблеми-во Прилеп со години тешко се стигнува до градежна дозвола.

Неекипираната администрација и несоодветните законски регулативи ќе ги избркаат и оние инвеститори кои сакаат да градат.

Во обременета економска ситуација, на граѓаните речиси не им паѓа на памет за градежни зафати или реновирање. Останува и јагмата за занаетчиските мајстори.

И градежниците и граѓаните чекаат постабилни времиња.

Елизабета Митреска