Макрон го загуби апсолутното мнозинство во Парламентот

За помалку од два месеца откако беше реизбран за претседател, Емануел Макрон ја загуби контролата врз Народното собрание поради зголемената поддршка за левичарската коалиција и ултрадесничарите на парламентарните избори.

Според резултатите во вториот круг, неговата коалиција „Заедно“ освоила околу 38% од гласовите, односно 245 мандати. Левичарската НУПЕС на Меланшон доби 131 место, а екстремната десница на Ле Пен  89 мандати.

Со оваа поделба на силите, центристите загубија десетици пратенички места.