Напади на руските сили во правец Лисичанск, Харков и Славјанск
Се зголемува бројот на загинати во ракетирањето на трговскиот центар во Кременчук. Животот го загубија 16 лица, а четириесетина се водат како исчезнати...
Руските сили напаѓаат во правец Лисичанск, Харков и Славјанск. Се зголемува бројот на загинати во ракетирањето на трговскиот центар во Кременчук. Животот го загубија 16 лица, а четириесетина се водат како исчезнати.
„Ја демонтираме конструкцијата за да внесеме што е можно повеќе механизација, металите се тешки и габаритни, невозможно е да се расклопат со рака. Ќе направиме премин за влез на машините“, рече Володимир Хичкан, шеф на спасувачкиот центар, Украина.
„НАТО на Крим ќе значи Трета светска војна“, порача поранешниот руски претседател Дмитриј Медведев. Москва не ја исклучува можноста за поставување хиперсонични ракети „Искандер“ на нивниот праг доколку во Алијансата влезат Финска и Шведска. Според Кремљ, рускиот претседател Владимир Путин планира да присуствува на самитот на Г20 во Индонезија во ноември, но конечната одлука ќе зависи од развојот на настаните.
САД ќе го зголемуваат военото присуство во Полска. Најавија и промени во распоредувањето на американските воени контингенти во балтичките земји. Во меѓувреме, кај Сан Диего, запленија суперјахта која е во сопственост на санкциониран руски олигарх. Министерството за одбрана на Литванија пријави хакерски напади врз државни и приватни интернет страници. Одговорноста наводно ја презела проруска хакерска група.