Завршува пријавувањето за земјоделски субвенции
Денеска истекува рокот за пријавување за субвенции. Сите заинтересирани земјоделци барањата можат да ги поднесуваат електронски до платежната агенција или со помош на подрачните единици на министерството за земјоделство. Евентуални корекции на апликациите се можни во рок од 30 дена од нивното доставување...
Денеска е последниот ден за поднесување на барањата за земјоделските субвенции. Сите заинтересирани апликациите можат да ги поднесат електронски до платежната агенција.
За растително производство парцелите треба да бидат запишани во регистарот на министерството, а во сточарството како услов се потребни податоци за бројната состојба на животните евидентирани на денот на доставување на барањето.
Земјоделците кои не се во можност сами да поднесат документи за субвенциите, или имаат потреба од помош при електронското аплицирање, можат да се пријават во Подрачните единици на министерството за земјоделство.
Барателите треба да отпечатат 2 примерока и да ги потпишат, по што едниот од нив треба да го достават до платежната агенција.
Доколку утврдат дека при поднесување на барањето направиле пропуст, напишале погрешни податоци или имаат потреба од нивна измена заради несовпаѓање со фактичката состојба, барањето може да го повлечат или коригираат во рок од 30 дена од денот на неговото доставување.