Поради здравствени причини, куќен притвор за Мухамед Зеќири
Апелацискиот суд одлуката ја донел денеска. Од судот посочија дека на Зеќири му е одземен пасошот. Поранешниот генерален секретар на Владата, Мухамед Зеќири е осомничен за злоупотреба на службената положба и овластување...
Поранешниот генерален секретар на Владата, Мухамед Зеќири по неколку месеци поминати во притвор во истражниот затвор во Скопје, поради здравствени причини заминува во куќен притвор.
Апелацискиот суд одлуката ја донел денеска. Од судот посочија дека на Зеќири му е одземен пасошот. Во однос на тоа кога Зеќири ќе биде спроведен од болница во куќен притвор, од Апелација немаат информации бидејќи, како што велат, полицијата треба да го спроведе кога за тоа ќе има услови.
Мухамед Зеќири е осомничен за злоупотреба на службената положба и овластување. Според обвинението тој без спроведување на соодветна постапка за јавна набавка, склучил договор за консултантски услуги со правно лице во што со умисла му помогнале хрватски државјани.