ДИК: Обработени 90,63% од гласовите, Иванов убедливо води

Според податоците на интернет страницата на Државната изборна комисија (ДИК), а од обработени 90,63% од гласовите, кандидатот на ВМРО-ДПМНЕ, Ѓорге Иванов води со 390.791 гласови, пред кандидатот на СДСМ.

Стево Пендаровски има 278.230 гласови, трет е Илијаз Халими од ДПА со 36.518 гласови, а Зоран Поповски од ГРОМ има 27.014 гласови.

Објавените податоците се однесуваат на 3.183 од вкупно 3.512 избирачки места. Според досега обработените резултати, преброени се 752.826, што покажува излезност од 47,72%.