Протест пред Владата: „Ултиматум – Не благодарам“

Пред Владата, вечерва, протест по повод објавениот модификуван француски предлог. Граѓаните бараат ваквиот предлог да не се прифати.

Протестот под мотото „Ултиматум – Не благодарам“ го поддржаа повеќе политички партии и граѓански организации.

Лидерот на опозицијата ВМРО-ДПМНЕ, Христијан Мицкоски пред почетокот на протестот, на платото пред Владата, изјави дека ако треба „ќе чекаме подобри времиња и подобри луѓе за да влеземе достоинствено во Европската унија“.

Според Мицкоски, предлогот е ултиматум и бугарски диктат за мегаломански барања и историски аспирации кон Македонија.