ДИК: Обработени 97,29% од гласовите- Иванов со 430.541, Пендаровски со 311.780

Според податоците на интернет страницата на Државната изборна комисија (ДИК), а од обработени 97,29% од гласовите, кандидатот на ВМРО-ДПМНЕ, Ѓорге Иванов води со добиени 430.541 гласови, речиси 120.000 гласови пред кандидатот на најголемата опозициска партија.

Кандидатот на СДСМ, Стево Пендаровски има 311.780 гласови, трет е Илијаз Халими од ДПА со 38.406 гласови, а Зоран Поповски од ГРОМ има 30.142 гласови.

Објавените податоците се однесуваат на 3.417 од вкупно 3.512 избирачки места. Според досега обработените резултати, преброени се 833.516, што покажува излезност од 48,44%.