Финска и Шведска денеска ќе потпишат протокол за пристапување во НАТО

По успешно завршените пристапни преговори вчера, претставници на Финска и Шведска денеска во седиштето на Алијансата во Брисел ќе го потпишат протоколот со кој официјално почнува процесот на нивно приклучување во НАТО.

По потпишувањето на протоколот, 30-те земји членки треба да го ратификуваат членството на 31-вата и 32-рата земја членка согласно нивните национални процедури.

По завршување на ратификацијата од сите 30 сојузници, Финска и Шведска ќе ја потпишат повелбата на НАТО во Вашингтон со што и официјално стануваат најнови земји членки на Алијансата.