ССМ ќе поднесе колективна тужба за неусогласување на колективните договори со Законот за минимална плата
Сојузот на синдикатите на Македонија ќе поднесе колективна тужба поради неусогласувањето на другите плати со зголемениот минималец. ССМ обвини дека не се почитуваат колективните договори и оти повеќе не постои социјален дијалог. Штрајкот продолжува се до исполнувањето на барањата, порачаа од ССМ …
Колективна синдикална тужба за државата пред домашни и странски судови најавија од Сојузот на синдикати на Македонија. Одлуката е донесена, поради како што велат од ССМ, тоа што власта нема слух за зголемувањето на платите на работниците за 2.806 денари и поради непостоењето на социјален дијалог.
На генерален штрајк се 138.000 работници. Од ССМ велат и дека од први мај до денес се прекинати сите официјални контакти со владините претставници за барањето за линеарно зголемување на платите, и покрај нивните ветувања дека зголемувањето на платите во јавниот сектор ќе се случи со ребалансот на Буџетот, информираат од ССМ.
Марија Котовска