Од необработеното земјиште, државата губи 6 милиони евра годишно
И покрај поволностите за развој на земјоделието, големи земјоделски површини во источниот регион стојат необработени. 6 милиони евра годишно губи државата поради незаинтересираноста на невработените да се фатат за мотика.
Околу 6 милиони евра губи државата секоја година, поради незаинтересираноста на дел од земјоделците да ја обработуваат земјата и покрај сите поволности што ги нуди државата.
Наспроти напорите земјоделието да стане стратешка економска гранка, зголемувањето на субвенциите и распределбата на државното земјоделско земјиште, само во источниот регион, од околу 50.000 ХА плодна површина, дури 15.000 чекаат на земјоделци:
Има многу земја што стои така, греота е. Овде има ниви на нколку штипјани кои со години не дошле да ги видат, а не пак да ги работат. - Изјава на земјоделец
Според проценките на земјоделските стручњаци, доколку овие површини се засеат со пченица, со сегашните цени од 15 денари за килограм, и со просечни приноси од 2,5 тони по ХА, земјоделците би можеле да остварат приход од околу 6 милиони евра:
„Штетата е на повеќе нивоа. Губат трговците, оние што продаваат нафта и репроматеријали, на крајот губи државата во целост.“ - Никола Шалев, прет. на ФОРОП – Св. Николе
Зошто и покрај ова, нивите стојат необработени:
„Младите не сакаат да работат земјоделие, а има и такви кои имаат друга работа, па земјоделието не им е важно.“- Изјава на земјоделец
За состојбата да се смени, земјоделските здруженија препорачуваат здружување на земјодлеците и отпочнување со договорно производство.
На овој начин, заедно со поддршката од државата, регионот може да стане еден од земјоделски најразвиените во Македонија.
Оливера Жежова