Спречено криумчарење на мигранти

На автопатот кај клучката „Миравци“ откриени 87 мигранти. Уапсени се 43 годишник од Скопје и 26 годишен жител на Арачиново, коишто во товарно возило со приколка ги превезувале странските државјани. Против нив ќе биде поднесена кривична пријава, а мигрантите се однесени во прифатно-транзитен центар.

Во првите пет месеци годинава споредбено со истиот период лани, напливот на мигранти, особено на јужната граница е намален за над 20 проценти. Според МВР, тоа се должи на алтернативните рути кои ја одминуваат нашата земја, но и на зајакнатите контроли.

Криумчарењето на мигранти, пак, е зголемено за 83 проценти. Лани се спречени 17 обиди, годинава 31. Кризната состојба на јужната граница е продолжена до крајот на годинава.

Александра Спировска