Студентите од ФИНКИ ќе креираат апликации за дигитализација на културните институции
Ќе се работи на дигитализација на македонското културно богатство...
Новите технологии влегуваат во театрите, кината, културата ... Студентите од Факултетот за информатички науки и компјутерско инженерство, ФИНКИ, ќе креираат иновативни апликации што треба да привлечат поголема публика во културните институции.
Ќе се работи на дигитализација на македонското културно богатство.
„Сакаме да донесеме што е можно повеќе луѓе во нашите културни институции, и технологхијата да помогне она што се случива таму да биде поприфатливо за широката популација, пред се за младите“, вели Владимир Трајковиќ, професор на ФИНКИ.
„Да се запознаат и културните институции и студентите и фирмите, за тоа како можат новите технологии и иновациите да помогнат во развојот на креативните индустрии во Македонија“, изјави Елеонора Запрова, директор на Британскиот совет во Македонија.
Бизнис- заедницата и Министерството за култура заинтересирани за иновативноста. Експерти од Велика Британија ги споделија искуствата со колегите од Македонија. Новите технологии ќе внесат свежина во културните институции.
Викторија Тодоровска