Од полноќ бензините поевтинуваат

Регулаторната комисија за енергетика направи нова пресметка за горивата којашто ќе важи од полноќ.

Бензинот од 95 октани ќе се продава за 102,5 денари, два денари поскап е бензинот од 98 октани.

Дизелот и понатаму ќе се продава за 100 денари за литар. Екстра лесното и мазутот остануваат со стари цени.

Во просек, малопродажните цени се намалуваат за 1,13 проценти како резултат на пониските цени на светските берзи и движењето на курсот на денарот во однос на доларот.