Србија упати протестна нота до Хрватска

Министерството за надворешни работи на Србија упати протестна нота до хрватска поради забраната за приватната посета на српскиот претседател Вучиќ на Јасеновац.

Српската министерка за рударство и енергетика возврати со откажување на официјалната посета на Загреб, каде што требаше да се разговара за регионалната соработка и гасната интерконекција. Српскиот претседател Вучиќ се огласи на инстаграм, каде со објавена фотографија од споменикот за жртвите убиени од усташите во Втората светска војна во Јасеновац, напиша: „Само вие работете си ја вашата работа. Српскиот народ ќе живее и никогаш нема да заборави“.