Отпуштени уште вработени во Службата за безбедност во Украина

Украинскиот претседател Зеленски отпушти уште 28 вработени во Службата за безбедност на Украина. Рече дека генерално причините се – незадоволителни резултати во работата.

Претходно тој ги разреши шефот на СБУ и главната обвинителка наведувајќи го своето незадоволство од фактот што повеќе од 60 вработени во службата за безбедност и обвинителството останале на териториите окупирани од Русија – нешто што властите во Киев го сметаат за предавство.

Целта на овие потези е да се зајакне контролата на украинскиот претседател врз армијата и безбедносните служби.