Коњаниците тргнуваат за Крушево

Во пресрет на големиот национален празник Илинден, 27 коњаници од Горно Лисиче со дефиле го започнаа 44-от традиционален Илинденски марш. На неколкудневното патување во спомен на илинденците на коњ јава и единствената девојка меѓу коњаниците Ели Апостоловска.

Гордост и чест е да се организира Илинденскиот марш вели еден од организаторите. Не е лесно, одговорноста е голема, но споменот на илинденците мотивира вели Гоце Трпковски.

На неколкудневното патување коњаниците ги испрати и градоначалникот на Општина Аеродром, Муцунски.

Сите коњаници од различни делови на земјава се соединуваат на 31- ви јули над Крушево.

Миле Ристески