Силно невреме во Охрид

Попладнево, нешто по 17 часот, Охрид беше зафатен од големо невреме, со силен ветер, дожд, град и грмотевици. Бурата откорна кровна конструкција на станбена зграда.

Жителите од самото место велат дека лимот летал и до 200 метри, по што се оштетени повеќе други куќи, автомобил, откинати се и телекомуникациски кабли, а има и скршени гранки. За среќа, нема повредени.