Потпишан Кодекс за фер и демократски избори за Совет на Општина Тетово
Носителите на советничките листи на политичките партии и група граѓани, кои ќе учествуваат на претстојните избори за нов Совет на Општина Тетово кои ќе се одржат на 20-ти август, го потпишаа кодексот за фер и демократски избори. Изборната кампања ќе започне од недела на 31-ви јули. За советничките места ќе се тркаат 11 политички партии и две независни листи...
Кодексот за фер избори го потпишаа 9 политички партии и една независна листа, кои ќе учествуваат во изборната трка, но, од ВМРО ДПМНЕ и БЕСА партии кои го имаа мнозинството во претходниот совет, се сомневаат дека изборен процес ќе тече во рамки на законот.
И како партии и како дел од централната власт, сме покажале дека знаеме да организираме мирни фер и демократски избори, истакнаа носителите на советничките листи на СДСМ и ДУИ.
Изборите ќе бидат, успешни оти за нив не треба да се исполни никаков цензус, а секоја незаконитост ќе биде строго контролирана и санкционирана, велат од општинската изборна комисија.
Советот на Општина Тетово се распушти по само 6 месеци работа, оти советниците не успеаја да ја изгласаат завршната сметка на буџетот, во законски предвидениот рок.
Зоран Димовски