ВМРО- ДПМНЕ: Заради Ковачевски народот ќе плаќа поскапо парно и струја

Заради Ковачевски народот ќе плаќа поскапо парно и струја, над 1.000 денари повеќе секој месец за овие две давачки, соопштуваат од опозициската ВМРО-ДПМНЕ.

Ковачевски не обезбеди евтин енергенс, како што тоа го направија другите европски држави. Претходно пред само еден месец заради истите причини се покачи цената на струјата, за околу 18% за најголемиот број домаќинства, и 138% за тие кои се греат на струја. Заради Ковачевски секое нормално домаќинство плаќа скоро 1.000 денари повеќе за струја, а тие што се греат на струја допрва ги очекува шок за време на грејната сезона, велат од партијата.

Струјата, исто како и парното поскапи, затоа што власта е неспособна и краде. Со СДСМ и Ковачевски народот ќе плаќа се поскапи сметки, а снабденоста е под знак прашалник, стои во соопштението.