Првиот товарен брод со украинско жито го мина Црно Море

Првиот товарен брод со украинско жито безбедно го мина Црно Море и се закотви крај Истанбул пред да продолжи да плови кон Либан.

Минатиот месец Москва и Киев со посредство на Обединетите нации потпишаа договор за деблокада на украинскиот земјоделски извоз и ублажување на глобалната криза со храна. Се проценува дека од почетокот на војната на пристаништата се заглавени 20 милиони тони жито.

Бродот „Разони“ пред два дена тргна од Одеса и транспортира над 26 илјади тони пченка.