Од вечерва на полноќ намалeни цени на бензините и дизелот

Бензините поевтинуваат за 2 денари, дизелот за 2,5 денари за литар. Регулаторната комисија за енергетика ја направи пресметката. Од полноќ, бензин од 95 октани ќе се продава за 93,5 денари за литар, а 98-октански за 96 денари.

Новата цена на дизелот е 93 денари. Екстра лесното масло за домаќинство поевтинува за 3 денари и ќе се продава за 91 денар за литар, а мазутот останува со иста цена.

Во просек, малопродажните цени на нафтените деривати се намалуваат за 2 проценти поради пониските цени на светските берзи и движењето на курсот на денарот во однос на доларот.