Струмичани во исчекување на цената на компресивниот гас

Колкава ќе биде цената на компресираниот гас кој го транспортира струмичкото Јавно претпријатие “Струмица гас“ засега не се знае. Струмичани кои и оваа година ќе го користат компресираниот гас за затоплување на своите домови се во исчекување на оформување на цената.

Од Јавното претпријатие велат дека цената на сите енергенси во светот па и кај нас вртоглаво растат, па така очекува и зголемување на цената на овој природен гас.

Милановиќ дециден дека ќе работат на политиката за зголемување на интересот кај граѓаните за овој тип на реагенс, кој директно не зависи од светските случувања и е полесен за транспорт. Нема нови приклучоци кај домаќинствата, но интересот на приватните компании од микрорегионот е во пораст.

На територија на град Струмица поставена е околу 50 километри гасоводна мрежа, која според структурата пропорционално е изведена со цел полесен приклучок на идните потрошувачи.

Стојне Митева