Се очекува жестока дебата за најавените даночни реформи

Министерот за финансии најави даночни реформи кои треба да стапат во сила од 1-ви јануари. За новите оданочувања, првиот финасиер Бесими веќе води дебата со бизнис заедницата и стручната фела. Посочи дека даночната реформа се базира на зголемување на даночната основа, без притоа да се зголемат даночните стапки.

Забрзано ќе се спроведува и акцискиот план за сузбивање на неформалната економија, во насока на воведување на неформалниот сектор во формалниот и со тоа дополнително зголемување на базата која подлежи на даноци- вели министерот за финансии.

На брифингот со новинарите што е во тек посочува- целта е да се обезведи стабилно здравство и подобра инфраструктура, а реформата ќе го поддржи растот.

Креаторите на даночната политика очекуваат жешка политичка дебата и во јавните расправи и во Парламентот.