Програма за сите генерации на „МакеДокс“, најавуваат организаторите

Oд 18-ти до 25-ти август во Скопје, ќе се одржи тринаесеттото издание на Фестивалот на креативен документарен филм „МакеДокс“. Организаторите најавуваат квалитетна програма за сите генерации.

Филмовите ќе бидат прикажувани на четири сцени низ градот, а предвидена е средба и со режисери. Новина на годинешното издание е тоа што фестивалот не завршува со последниот ден на проекциите.

Организаторите велат - слој по слој, ќе ги лупиме идеите, старите, суви и ветви корки да ги оставиме зад нас, а на свежите бели да блеснат нови движечки слики.

Катерина Топалова