На барање на обвинителството, судот му го одзеде пасошот на Жан Митрев

Судија на претходна постапка го прифати предлогот на ОЈО во врска со случајот со доктор Жан Митрев и донесе одлука за определување мерка за претпазливост за одземање на неговата патна исправа заради опасност од бегство.

Судот е согласен со наводите на обвинителството дека постои опасност Митрев да избега.

Одлуката на судот следи откако обвинителството денеска отвори истрага и го повика на распит Митрев, по објавата на ИРЛ за начините како болницата ги третирала болните од Ковид – 19.