Падна владата на премиерот Абазовиќ

Падна владата на црногорскиот премиер Дритан Абазовиќ, откако собранието ѝ изгласа недоверба.

Против владата гласаа 50 пратеници од вкупно 81. До изборот на нова извршна власт, владата на Абазовиќ ќе функционира во технички мандат.

Во завршниот говор премиерот во заминување рече дека се надева оти претседателот наскоро ќе му даде мандат на новото мнозинство за состав на нова влада или ќе има нова нестабилност.