Руската Црноморска флота во Крим нападната со дрон

Рускиот претседател Путин изјави дека претставниците на ОН ќе добијат дозвола да го посетат и проверат нуклеарниот комплекс Запорожје. Фабриката е под руска окупација од почетокот на март, но украинските техничари сè уште работат со неа под руска управа.

„Украинските дипломати, нашите партнери, претставници на ОН и на Меѓународната агенција за атомска енергија ги разработуваат конкретните детали за мисијата што треба да биде испратена во нуклеарната централа Запорожје. Благодарен сум на сите што се приклучија на оваа работа и иницијатива. Доколку продолжи руската изнуда со радијација, ова лето може да остане запишано во историјата на европските земји како едно од најтрагичните на сите времиња.“

Воздушната одбрана на Црноморската флота собори беспилотно летало над седиштето на флотата во Севастопол, тврди гувернерот на градот, назначен од Русија.

„Про-рајх беспилотно летало се обиде да го нападне штабот на Црноморската флота. Сепак, воздушната одбрана на флотата беше активирана, а дронот беше погоден. Падна на покривот на штабот. Немаше значителна штета и никој не е повреден. Оперативните служби вршат истражни дејствија. Ве молиме да останете смирени, се во градот е под контрола. Работата на сите оперативни служби е зајакната“, изјави Михаил Развозаев, гувернер на Севастопол назначен од Русија

Властите назначени од Русија, кои ја зазедоа украинската област Харков, формираа Министерски совет, соопшти шефот на окупациската воено-цивилна администрација во североисточниот украински регион Виталиј Ганчев. Советот првенствено ќе се занимава со економски и финансиски прашања. Русија контролира околу 30 отсто од североисточниот украински регион.

Според Русија повеќе од 100 милитанти, меѓу кои и 20 американски „платеници“, биле убиени во воздушен напад во Харков.

„Руските вооружени сили ја продолжуваат специјалната воена операција во Украина. Над 100 милитанти, вклучително и до 20 американски платеници, беа убиени во висока прецизност воздушен напад на руските воздушни сили врз борбените позиции на неонацистичките националисти од полкот Кракен и единицата на странски платениц, во близина на Андриивка во регионот Харков“, изјави Игор Конашенков, портпарол на руското Министерство за одбрана.

Претседателот Зеленски, пак, му се заблагодари на американскиот колега Бајден за најновиот пакет воена помош од 775 милиони долари.

За време на посетата на Одеса, генералниот секретар на ОН, Гутереш, рече дека има уште многу да се направи за да се осигура дека украинското жито, храната и ѓубривата произведени во Русија, можат да стигнат до светските пазари. Го пофали договорот меѓу Украина и Русија кој ги отвори украинските пристаништа на Црното море и им овозможи на првите пратки украинско жито да ја напуштат земјата.

Марина Ристова