Продолжува топлотниот бран во Кина

Десетти ден црвен аларм за високи температури во јужна Кина. Продолжува топлотниот бран со температури над 40 степени во деловите на провинциите Шанкси, Сечуан и Жеџијанг и Чонгкинг.

Метеоролозите очекуваат топлото време да се промени кон крајот на август. Локалните власти ширум Кина презедоа мерки за ублажување на штетите од сушата врз секојдневниот живот на луѓето и земјоделското производство.

Кинескиот град Чонгкинг почна да го скратува работното време на трговските центри поради „вонредната ситуација“ во снабдувањето со електрична енергија, предизвикана од актуелниот топлотен бран.