Советот на јавни обвинители до петок ќе одржи седница за жалбата на Русковска

Советот на јавни обвинители најдоцна до петок ќе одржи седница на која ќе ја разгледува жалбата на обвинителката Вилма Русковска за нејзината суспензија.

Претседателот на Советот Јолевски, за МТВ рече дека сè уште ги чекаат актите од републичкиот обвинител Љубомир Јовески за суспензијата и дисциплинската постапка.

По поднесувањето на жалбата, Русковска рече ги побива наводите во решението и дека тоа не е нејзина суспензија, туку суспензија на правото и правдата во државата.