Мијалков се пријавил во струшкиот затвор

Поранешниот директор на УБК, Сашо Мијалков се пријавил во струшкиот затвор за издржување на тригодишната казна за случајот „Империја“. Пресудата му беше изречена на 8-ми јули, откако тој призна вина и се спогоди во обвинителството за времетраењето на затворската казна и за конфискација на пари и имот, во вредност од околу 36 милиони евра.

Откако ја промени адресата на живеење, Мијалков казната ќе ја одлежува во струшкиот затвор, кој е од полуотворен тип.  

Таму се наоѓа и бизнисменот Орце Камчев, кој е осуден за истиот случај.