Над 300 документи пронајдени во домот на Трамп

Американската влада пронашла над 300 доверливи документи во домот на поранешниот американски претседател Доналд Трамп, вклучително и материјали од ЦИА, Агенцијата за национална безбедност и ФБИ.

Претресот е дел од федералната истрага за тоа дали Трамп незаконски отстранил документи кога ја напушти функцијата во јануари 2021 година по поразот на претседателските избори од демократот Џо Бајден.

Поранешниот претседател поднесе тужба и побара од судот привремено да го блокира федералното истражно биро во прегледување на материјалите, што пред две недели беа запленети од неговиот дом во Флорида. Бара американското Министерство за правда да му достави детален список на запленетите предмети.