Се намалува бројот на заболени од грип

Според последните податоци на Институтот за јавно здравје вкупно 223 лица со грип и заболувања слични на грип се пријавиле последнава недела, од 7-ми до 13-ти април, што е намалување за 24,9 % во однос на претходната и 53,4 % во споредба со 15-тата недела минатата сезона.

Во овој период не е регистриран ниту еден смртен случај поврзан со инфекција на вирусот на грип. Вкупниот број починати оваа сезона останува 12.

Во сезоната 2013/2014, заклучно со минатата недела, вкупниот број заболени од грип во Македонија изнесува 28.748 што е за 16,6 % повеќе во однос на истиот период лани и за 59,6 % во однос на просекот за 10-годишниот период.

Најмногу болни се на возраст од 15-64 години, 65,1 %, а најголем морбидитет 238,2/10.000 е регистриран кај децата до 4-годишна возраст.