Запуштена инфраструктура во стариот дел на Тетово

Се работи за сообраќајница која ги поврзува половина од населбите од стариот дел на Тетово. Во најкатострофална состојба е главната делница Гоце Делчев. И покрај апелите на мештаните, општинските власти немаат преземено сериозни чекори за оваа инфраструктура, која се распаѓа, после секој пороен дожд.

Сообраќајницата ги поврзува и дел од Шарпланинските села. Возачите се жалат, велат секој месец автомобилите со нов дефект.

Во лоша состојба се и канализациските мрежи, кои често пати се затнати.

Од Општина Тетово истакнаа дека во план е уредување на калдрмата во стариот дел на Тетово, со цел да не се изгуби автентичноста на овие населби, а ќе се преземат и чекори за чистење на канализациски мрежи.

Зоран Димовски