Повторно пропадна камион на плоштад „Македонија“

Централниот плоштад во Скопје никако да куртули. Повторно пропадна камион кај фонтаната. Предизвикана е штета на плочникот.

Од Град Скопје известија дека возилото било на приватна фирма и без дозвола влегло на плоштадот „Македонија“. Градските власти најавија дека ќе ги преземат сите законски мерки за санкционирање, ќе се бара надомест на штетата.

Ова е веќе третпат како пропаѓа камион во фонтаната од 2,5 милиони евра.