Сали не го поддржува штрајкот, матичните лекари очекуваат зголемување на капитацискиот бод

Министерот за здравство не го поддржува најавениот протест на матичните лекари. Тој смета дека не може преку пациенти да се бојкотира работа и да се даваат повици за масовно земање упати и терапии. Според него, незадоволствата треба да се решаваат на маса со конкретни предлози кои ќе бидат разгледани и дискутирани. Вели, не може да се направи промена во системот за месец или два, или под притисок.

Матичните лекари најавија дека од 5-ти до 7-ми септември нема да издаваат упати, ниту ќе пишуваат рецепти. Ова е поради нивниот револт од неисполнувањето на барањата кои ги адресираа до надлежните уште во февруари. Едно од главните е зголемувањето на капитацискиот бод.

Доктор Чолакова вели дека членството очекува до недела некој да каже дека бодот ќе се помести, бидејќи буџетот се полни со пари од народот и треба рамномерно да се распредели и за јавно и за приватно здравство.

Ана Јосифоска Тодоровска