Бензините поевтинуваат за два денара, цената на дизелот останува иста

Регулаторната комисија за енергетика и водни услуги (РКЕ) денеска донесе вонредна одлука за цените на нафтените деривати со која се намалуваат цените на бензините за два денара, а условот да се намали дизелот сѐ уште не е исполнет, информира претседателот на РКЕ Марко Бислимоски.

Тој нагласи дека во август имаше драстична промена на односот цена на бензин и на дизел на светски берзи.

Од полноќ, бензинот од 95 октани ќе се продава за 87,5 денари за литар, бензинот од 98 октани за 90. Цената на дизелот останува 101,5 денари за литар, а на екстра лесното 97,5 денари. Мазутот ќе се продава за 54 денари за килограм.