Бројот на загинати во земјотресот во Кина се искачи на 46

Бројот на жртви во земјотресот што ја потресе југозападната кинеска провинција Сечуан достигна 46 загинати и 50 повредени. 16 лица се водат како исчезнати.

Најтешко погодена е областа Лудинг. Потресот уништи куќи и предизвика лизгање земјиште. Многу од улиците во засегнатото подрачје сè уште се блокирани од урнатини, а во прекин е снабдувањето со електрична енергија и вода, како и комуникациската мрежа.