Орбан: Обидите за ослабување на Русите не се крунисани со успех

Унгарскиот премиер Виктор Орбан изјави дека обидите на западот да ја ослабне Русија не успеале и покрај големиот број санкции што се воведени против Москва.

„Во моментов против Русија се во сила 11.000 санкции, но обидите за ослабување на Русите не се крунисани со успех. Напротив, тешката инфлација и енергетскиот дефицит, предизвикани од санкциите, би можеле да ја доведат Европа на колена“, рече Орбан.

Според него, доколку не се промени политиката на санкции во Европа, ситуацијата ќе биде тешка.