Пендаровски со сопругата ќе присуствува на погребот на Кралицата Елизабета Втора

Претседателот Стево Пендаровски со сопругата ќе присуствуваат на државниот погреб на Кралицата Елизабета Втора, што ќе се одржи на 19-ти септември во Лондон, соопштија денеска од неговиот кабинет.

Кралицата Елизабета Втора почина во четвртокот, на 8-ми септември. Беше монархот со најдолго владеење во британската историја и најстариот шеф на држава во светот. Нејзиниот син, Чарлс, е  прогласен за нов крал на Обединетото Кралство.