Во пресрет на почетокот на скрининг процесот, дипломати од Советот на ЕУ во посета на Собранието

Прва посета, симболичен чин, но практична можност да се види какви се подготовките на земјава за претстојниот скрининг и преговори со Унијата.

Група дипломати од Советот на ЕУ во посета на Собранието. Поддршката не изостана, но се испрати и порака – поделбите да се премостат, а пратениците да работат заедно на реформите.

Преговорите да се водат на рамноправна основа, став од спикерот Џафери. Потсети дека Владата е обврзана во пристапниот процес да ги почитува црвените линии – јазикот, идентитетот и културата.

Власта се надева дека и колегите од опозицијата ќе го поддржат процесот на пристапување и ќе се откажат од блокадите.

Од ВМРО-ДПМНЕ со потсетување дека евроинтеграцијата е цел на сите пратеници.

Европската дипломатска делегација претходно и на средби во Владата. Добиле уверување од премиерот дека во иднина, земјава ќе испорача брзи и квалитетни резултати, а во евроинтегративниот процес, Владата ќе работи со сите општествени и политички чинители.

Анита Димитријевска Велковска