Дизелот поевтинува, бензините со иста цена

Регулаторната комисија за енергетика донесе одлука со која се врши намалување на малопродажните цени на нафтените деривати. Од ноќеска на полноќ малопродажната цена на Еуродизелот се намалува за два денари за литар и ќе изнесува 95 денари.

Малопродажните цени на бензините, на екстра лесното масло за домаќинство и на мазутот не се менуваат. Еуросупер БС 95 ќе се продава по цена од 84,5 денари, а Еуросупер БС 98 по цена од 87 денари.