Металург го победи Вардар
Металург славеше во дербито од 28-то коло на Првата македонска фудбалска лига. „Металурзите“ со 2:1 го совладаа Вардар во натпреварот кој требаше да се одигра вчера, а беше одложен поради лошата состојба на теренот во Автокоманда.
Металург поведе со голот на Митревски во 41-та минута. Во последните моменти од дербито беа постигнати два гола. Во 4-та минута од судиското продолжение Далчевски зголеми на 2:0, а во следната минута Ивановски од пенал го постигна единствениот гол за Вардар. Ова беше 8-ма победа на Металург во меѓусебните дуели, со која значително ги зголеми шансите во трката за шампионската титула. Вардар падна на петтата позиција. Во трката за шампионските почести и натаму се пет екипи предводени од Работнички. В среда следат нови два дерби натпревара во Скопје:Работнички - Металург и Вардар-Пелистер. Редоследот на табелата по 28-то коло е следниов:
Табела:
1.Работнички 53
2.Хоризонт 50
3.Металург 50
4.Пелистер 50
5.Вардар 48
6.Шкендија 42
7.Брегалница 39
8.Ренова 36
9.Еуромилк 32
10.Македонија ЃП 26
11.Напредок 14
12.Гостивар 14