Основните прехранбени производи со ограничена маржа до крај на годината

Владата, по предлог на министерството за економија, ги продолжи ограничувањата на маржите за трговците со храна до крајот на годинава, до 5 проценти за бел леб, шеќер и сончогледово масло и на 10 насто за брашно, макарони, шпагети, ориз, млеко и јајца.

Одлуката се носи поради потребата од ограничување на растот на цените на мало на основните прехранбени производи, како и поради тоа што состојбата на пазарот укажува дека цените не се стабилизирани- велат од Владата.

Евентуалниот раст на цените во трговијата на големо и трговијата на мало, ќе биде предизвикан од растот на увозните и берзанските цени, како и растот на производствените трошоци- соопштија од прес службата.