Џозеф: Македонија да го искористи скрининг процесот и да направи максимални реформи

Преспанскиот договор беше основан на фер преговори со отстапки од двете страни, што не е случај со францускиот предлог, кој бугарските предности ги остави недопрени, став на Едвард Џозеф, предавач на Универзитетот Џон Хопкинс. Сепак вели тој, Македонија треба да го искористи скрининг процесот и да направи максимални реформи.

„Бидејќи Соединетите Американски Држави и Европската Унија не успеаја Бугарија да ја донесат на еднакво ниво со Грција, Северна Македонија треба да побара од Соединетите Американски Држави, Франција, па и од други земји како Германија и Велика Британија, афирмација на македонскиот идентитет и признавање на македонскиот народ, јазик и аспекти од историјата“, смета Џозеф.

Национализмот на голема Србија води кон голема Албанија, која ќе биде целосно деструктивна за вашата земја, порача Џозеф. Вели, природниот триаголник за Отворен Балкан е меѓу Скопје, Приштина и Атина.

„Добро е да имате добри трговски односи со сите соседи, но патот за стабилноста за вашата земја и за целиот регион е да се движите кон Европската Унија и НАТО. Србија му се противи на НАТО во смисла дека ја поддржува Русија, не и става санкции и ги промовира руските наративи. Отворен Балкан, онака како што е дизајниран, и дава на Србија слободно економско и поголемо политичко влијание во регионот што води до нестабилност“, вели Џозеф.

Отворен Балкан беше формиран меѓу Македонија, Србија и Албанија пред три години, пред сè од економски причини.

Марија Котовска