ССМ бара усогласување на платите со минималецот

Истекува законскиот рок од 6 месеци за усогласување на минималните плати во јавниот сектор. Во Сојузот на синдикати велат дека тоа веќе е направено во Јавните комунални претпријатија и во дел од општините, но не и во институциите на Владата.

Усогласување со линеарно зголемување на платите не е решение, вели вицепремиерот Битиќи. Владата наскоро ќе го повика ССМ да продолжи дијалогот и да се постигне договор за потпишување на општиот колективен договор, до крајот на годината. Со новата методологија ќе се бара продуктивност и ефикасност, а ќе се подготви и нов закон во јавниот сектор.

Од Сојузот на синдикати велат дека за последен пат е разговарано по 1-ви мај со Битиќи и Тренчевска за зголемувањето на платите од 2.806 денари. Тогаш не се зборувало за нова методологија, туку за првпат во август. Според Димовски, таа е јасно впишана во законот и затоа доколку сметаат дека е неприменлива подготвени се да разговараат за нова.

Ана Јосифоска Тодоровска