МНР: Сè уште важи апелот до нашите државјани ако се во можност да ја напуштат Русија

Министерството за надворешни работи денеска информира дека сè уште важи апелот до државјаните на земјава доколку се во можност да ја напуштат Русија, упатен на 28-ми февруари годинава, кога беа воведени рестриктивните мерки кон Москва, како одговор на руската инвазија на Украина.

Во апелот, МНР ги повика нашите граѓани кои престојуваат на територијата на Руската Федерација да ги искористат расположливите комерцијални летови и копнени линии за напуштање на земјата, со оглед на одлуката на ЕУ и други европски земји, вклучувајќи ја и нашата, за затварање на европскиот воздушен простор за руските авиопревозници.

Од МНР посочуваат дека за поддршка на државјаните на земјава кои се наоѓаат во Русија на располагање се телефонските броеви во нашата Амбасадата: + 74 99 124 33 57 (фиксен) и + 79 58 643 34 63 (мобилен), како и и-мејл адресите: [email protected] и [email protected]. Дополнително, нашите државјани може да се обратат и во Министерството за надворешни работи на дежурниот телефонски број +389 75 273 732 и следната и-мејл адреса: [email protected]