Автомобил падна во Вардар кај Желино, се трага по патниците

Автомобил падна од мост во Вардар кај тетовско Желино. Според Центарот за управување со кризи  во автомобилот имало и луѓе. Нуркачи веќе се стигнати на лице место и ја пребаруваат реката, информираа од СВР Тетово.

Преку бројот за итни повици 112 е добиена пријава од соообраќајната полиција од Тетово, во која се наведува дека автомобил Голф 4 со кумановски регистерски таблици движејки се на патниот правец село Желино кон Тетово, паднал од мостот на реката Вардар.

Поради брзината, длабочината и заматеноста на водата, возилото во еден дел од речното корито е носено по течението, но за кратко време возилото во природен јаз е пропаднато. Не е утврдено дали во возилото имало патници, велат од ЦУК.