Ковачевски- Мејер: Унапредување на соработката со САД во сајбер безбедноста

Можностите за унапредување на соработката помеѓу Македонија и САД во областа на сајбер безбедноста во фокус на денешната средба меѓу премиерот Ковачевски и в.д амбасадорот на САД во земјава, Ерик Мејер.

Како што соопшти владината прес- служба, заеднички е констатирано дека земјава веќе придонесува во координираното дејствување меѓу НАТО членките, со цел зајакнување на отпорноста кон растечките сајбер закани, во полето на безбедноста.

Во таа насока е нагласено значењето на споделувањето успешни пракси за превенција од сајбер инциденти и споделувањето информации поврзани со сајбер закани, што придонесува и кон зголемување на отпорноста на нашата држава во поглед на овој предизвик во светски рамки.

Премиерот Ковачевски потенцираше дека САД се голем пријател и стратешки партнер на Македонија и на регионот, во сите демократски процеси и во областа на одбраната и дека е од голема важност секое искуство и на ова поле.